ﺯﻣﺎﻥ ﺣﺒﻨﺎ..بقلم الشاعر المصري أيمن بلال-مجلة نجوم الأدب والشعر

ﺁﻩ ﻳﺎﺯﻣﺎﻥ ﺍﻟﺤﺐ ﻓﺎﺗﻨﺎ ﻟﻴﻪ ﺯﻣﺎﻧﻚ
ﻟﺴﺔ ﺟﻮﺍﻧﺎ ﻗﻠﺐ ﻋﻤﺮﻩ ﻣﺎ ﺧﺎﻧﻚ
ﻭﻟﻼ ﺃﺣﺒﺎﺑﻨﺎ ﻧﺴﻴﻮﺍ ﻭﻋﺪﻫﻢ ﻟﻴﻨﺎ
ﻭﻻ ﺗﺎﻫﻮﺍ ﻋﻦ ﺳﻨﻴﻨﻚ ﻭﻋﻦ ﻣﻜﺎﻧﻚ
............
ﻭﺣﻜﺎﻳﺔ ﻭﻛﺎﻧﺖ ﻣﺎ ﺗﻌﺮﻑ ﻏﻴﺮﻧﺎ
ﻳﺎﺗﺮﻱ ﻧﺴﻴﻨﺎ ﻭﻟﻼ ﺍﻟﺰﻣﻦ ﻏﻴﺮﻧﺎ
ﺑﻌﺪ ﺍﻟﻠﻲ ﻛﺎﻥ ﺳﺎﺑﻨﺎ ﻭﺍﺗﺤﻴﺮﻧﺎ
ﻏﻠﻄﻨﺎ ﻭﻟﻼ ﻓﺎﺗﻨﺎ ﻳﺎﺣﺐ ﺃﻭﺍﻧﻚ
........
ﻏﺼﺐ ﻋﻨﻲ ﻣﺶ ﺑﺎﻳﺪﻱ ﺃﺑﻌﺪﻙ
ﻏﺼﺐ ﻋﻨﻲ ﻛﺎﻥ ﺻﻌﺐ ﺃﺳﻌﺪﻙ
ﺣﺎﺟﺎﺕ ﺧﺪﺗﻨﻲ ﺑﻌﻴﺪ ﻭﺑﺮﺿﻪ ﺧﺪﺗﻚ
ﻭﺍﺧﺘﻠﻔﺖ ﺍﻟﺴﻨﻴﻦ ﻭﺗﺎﻩ ﺯﻣﺎﻧﻲ ﻋﻦ ﺯﻣﺎﻧﻚ
.......
ﻟﻮ ﻛﻨﺎ ﺍﺗﻘﺎﺑﻠﻨﺎ ﺣﺒﻴﺒﺘﻲ ﻑ ﺯﻣﻦ ﺗﺎﻧﻲ
ﻟﻮ ﺍﺗﺤﻤﻠﺘﻨﻲ ﻭﺃﻧﺎ ﻣﺎ ﻛﻨﺘﺶ ﺃﻧﺎﻧﻲ
ﻟﻮ ﻛﻨﺘﻲ ﻧﺴﻴﺘﻲ ﺍﻧﻚ ﻓﻲ ﻗﺼﺮ ﻋﺎﻟﻲ
ﻛﺎﻥ ﺯﻣﺎﻥ ﺍﻟﻤﻜﺎﻥ ﺩﻩ ﻫﻮ ﻣﻜﺎﻧﻚ
.......
ﻋﺪﺕ ﺍﻷﻳﺎﻡ ﻭﺍﺗﻘﺎﺑﻠﺖ ﺗﺎﻧﻲ ﻗﻠﻮﺑﻨﺎ
ﻣﻦ ﻧﻈﺮﺓ ﻟﻠﻲ ﻛﺎﻥ ﺭﺟﻌﺖ ﺣﻴﺎﺗﻨﺎ
ﺑﺲ ﻓﻴﻪ ﺳﻨﻴﻦ ﻋﺸﻨﺎﻫﺎ ﻟﻤﺎ ﺍﻓﺘﺮﻗﻨﺎ
ﻟﻮ ﺑﺎﻳﺪﻱ ﻛﻨﺖ ﺭﺟﻌﺖ ﺍﻟﺰﻣﻦ ﻋﺸﺎﻧﻚ
.........
ﺣﺒﻴﺒﺘﻲ ﻳﺎﻋﻤﺮ ﻣﻌﺎﻩ ﺃﺣﻠﻲ ﺍﻟﺬﻛﺮﻳﺎﺕ
ﺣﺒﻴﺒﺘﻲ ﻳﺎﺯﻣﻦ ﺻﻌﺐ ﺃﻧﺴﺎﻩ ﻣﻬﻤﺎ ﻓﺎﺕ
ﻳﺎﺳﺮ ﻋﺸﻘﻲ ﻳﺎﻏﻨﻮﺗﻲ ﻳﺎﺃﺣﻠﻲ ﺍﻟﺤﻜﺎﻳﺎﺕ
ﻑ ﻛﻞ ﻟﺤﻈﺔ ﻓﻲ ﺍﻟﺨﻴﺎﻝ ﺑﺄﻋﻴﺶ ﺯﻣﺎﻧﻚ
.........
ﻳﺎﺣﺐ ﻣﻬﻤﺎ ﻧﻜﺒﺮ ﻋﺎﻳﺶ ﻭﻳﺎﻧﺎ ﺻﺎﺣﺐ
ﺗﺘﻮﻩ ﻭﺍﻧﺖ ﻋﻤﺮﻙ ﻣﺎ ﻛﻨﺖ ﻋﻨﺎ ﻏﺎﻳﺐ
ﺑﻐﻨﻮﺓ ﺗﺮﺟﻌﻠﻨﺎ ﺗﻀﻤﻨﺎ ﻭﻧﺮﺟﻊ ﺣﺒﺎﻳﺐ
ﻭﻧﺮﺟﻊ ﻣﻦ ﺗﺎﻧﻲ ﻧﺤﻦ ﺑﻘﻠﻮﺑﻨﺎ ﻟﻤﻜﺎﻧﻚ
.......
ﻳﺎﺣﺐ ﻣﻌﺎﻩ ﺃﺟﻤﻞ ﺳﻨﻴﻦ ﻓﻲ ﻋﻤﺮﻧﺎ
ﻳﺎﺧﺪﻧﺎ ﻫﻮﺍﻩ ﻭﻧﻌﻴﺶ ﻓﺮﺣﻨﺎ ﻭﺟﺮﺣﻨﺎ
ﻭﻣﻬﻤﺎ ﻋﺪﻱ ﺍﻟﺰﻣﻦ ﺩﺍﻳﻤﺎ ﺣﺎﺿﺮ ﻫﻨﺎ
ﻳﺎﺃﻭﻝ ﺣﺐ ﻣﻬﻤﺎ ﻛﺎﻥ ﻣﺎ ﻧﻨﺴﻲ ﺯﻣﺎﻧﻚ