ام الشعور ... بقلم الشاعر المصري منصور عبد المقصود- مجلة نجوم الأدب والشعر

على الجسر واقفة
أم الشعور
ناح الهوى
عمال يطير شعرها
عدت سنين
والدنيا حفظت وقفتك
مليون امير
مقدرش يوم
على مهرها
يا حلو ه نبكى
على اللى عدا وفات
والا اللى جاى
بكره مصيره يطمنك
الشمس كتبت
فوق جبينها قصتك
يبكى القمر ويأن
لو ليل يفارق طلتك
يا حلوة بأعشق ضحكتك
والضحكة سافرت
من سنين
يا ايها الصمت الحزين
ابو الفوارس كان هنا
لكنه مش لاقى الفرس
كم قد توارت من سنين
كل الامانى والفرص
الضحكة عاجزة والسنين
صبحت عجاف
الملح كان اصبح غموس
والليلة راجع عيشنا حاف
قلب الوليد فى الطل
ولا عمره خاف
م الوحش والافعى
لو ع الكرامة بتقتله
ولا يقتله السم الزعاف