حلم اليتيم..بقلم الشاعر المصري منصور عبد المقصود- مجلة نجوم الأدب والشعر

حلم اليتيم
................
نفسى ف صديق
يعوضنى عن موت الحبايب
يدعيلى
وانا حاضر وغايب
ان ربى ياخد بيدى
وانى اعدى
فى الحياه كل الصعاب
كانت الأحلام كبيره
لما قالوا
مات ابويا
مرت الأيام طويله
النهار كان مستحى
كان بيتدارى فى غيمه
كنت اقوم انده صباحه
معرفت يومها ادارى ليه ؟؟
عمرى ما عرفت الجواب
غير لما شفت الدمعه واقفه
فوق خدود الطيبين
عملوا لى حفله جمعه واحده فى السنه
وخمسين
مقفوله فى وشى البيبان
اللى جابلى يوميها شنطه
فيها بسكوته ولبان
واللى عاش طول عمره مخفى
الليلادى سعادته بان
كان بيتصور عشانى
او عشانه
النور يوميها كان بيضوى فى المكان
ولما عدى اليوم بطوله
قفلوا من تانى البيبان
يا دموع مصنوعه فينك
الجدار بينى وبينك
والصور ماليه المكان