ﺍﻟﺪﻧﻴﺎ ﺳﺎﻋﺔ...بقلم الشاعر ﻣﺤﻤﻮﺩ ﻓﺮﺝ _مجلة نجوم الأدب والشعر

ﺍﻟﺪﻧﻴﺎ ﺳﺎﻋﺔ ‏)
ﺍﻟﺪﻧﻴﺎ ﺳﺎﻋﺔ ﻭﺍﻟﺰﻣﻦ ﺗﺮﻭﺱ
ﻭﺍﻟﻘﻮﻱ ﻓﻴﻬﺎ ﻋﻠﻲ ﺍﻟﻔﻘﻴﺮ ﺑﻴﺪﻭﺱ
ﻭﻧﺎﺱ ﺑﺘﺸﺘﺮﻱ ﻧﺎﺱ ﺑﺎﻟﻔﻠﻮﺱ
ﻳﺎﺭﺏ ﺃﻧﺖ ﺍﻟﻠﻲ ﻋﺎﻟﻢ ﺑﺎﻟﻠﻲ ﺟﻮﺓ ﺍﻟﻨﻔﻮﺱ
ﻓﻴﺔ ﻧﺎﺱ ﺯﻱ ﺍﻟﻌﻘﺎﺭﺏ ﺑﺘﺎﻛﻞ ﻓﻲ ﺍﻟﺰﻣﻦ
ﻭﻧﺎﺱ ﺗﺎﻧﻴﺔ ﻏﻼﺑﺔ ﺑﺘﺪﻓﻊ ﺍﻟﺜﻤﻦ
ﻭﻧﺎﺱ ﻋﺎﻳﺸﺔ ﻭﺻﺮﻳﺤﺔ
ﻭﻧﺎﺱ ﻣﻮﺟﻮﻋﺔ ﻭﺟﺮﻳﺤﺔ
ﻭﻧﺎﺱ ﺑﺘﻘﺘﻞ ﻭﻧﺎﺱ ﺑﺘﺴﺮﻕ
ﻭﻧﺎﺱ ﺑﺘﻜﺪﺏ ﻭﻧﺎﺱ ﺑﺘﺤﺮﻕ
ﻭﻧﺎﺱ ﺑﺴﻴﻄﺔ ﺑﺘﻘﻮﻝ ﺍﻟﺪﻧﻴﺎ ﺳﺎﻋﺔ
ﻋﺎﻳﺸﺔ ﺣﻴﺎﺗﻬﺎ ﻟﻠﻪ ﻓﻲ ﻃﺎﻋﺔ
ﺑﺘﺮﻓﻊ ﺍﻳﺪﻳﻬﺎ ﻟﻔﻮﻕ
ﻟﻠﻲ ﺧﺎﻟﻖ ﺍﻟﻤﺨﻠﻮﻕ
ﺑﺘﻄﻠﺐ ﻣﻦ ﺍﻟﻠﻪ ﺍﻟﺸﻔﺎﺀ
ﻭﺳﻼﺣﻬﺎ ﻫﻮ ﺍﻟﺪﻋﺎﺀ