ﺣﻴﺎﺗﻨﺎ ﻓﻰ ﺍﻟﺪﻧﻴﺎ ﺩﻳّﻪ ... ﻋﺒﺎﺭﻩ ﻋﻦ ﺻﻔﺤﺎﺕ
ﻭﻛﻞ ﺻﻔﺤﻪ ﻭﻓﻴﻬﺎ .. ﻋﻨﺎﻭﻳﻦ ﻟﻤﻮﺿﻮﻋﺎﺕ
ﻧﻜﺘﺐ ﻭﻧﻘﺮﺍ .. ﻭﻧﻄﻮﻯ .. ﺻﻔﺤﻪ ﻭﺭﺍ ﺻﻔﺤﻪ
ﻭﻧﺮﺻّﻮﺍ ﻓﻰ ﺍﻟﻤﻜﺘﺒﻪ ... ﻗﺼﺼﻨﺎ ﻭﺍﻟﺤﻜﺎﻳﺎﺕ
ﻓﻰ ﺻﻔﺤﻪ ﻣﺎ ﺑﺘﺘﻨﺴﻴﺶ .. ﻭﺻﻔﺤﻪ ﻧﻨﺴﺎﻫﺎ
ﻭﺻﻔﺤﻪ ﻧﺒﻜﻮﺍ ﻑ ﻭﺭﻗﻬﺎ ..ﻭﺃﺧﺮﻯ ﻓﻴﻬﺎ ﺿﺤﻜﺎﺕ
ﻭﺣﺎﺟﺎﺕ ﺗﻤﺮّ ﻑ ﺣﻴﺎﺗﻨﺎ .. ﻣﺎ ﻧﻜﺘﺒﻮﺵ ﻋﻨﻬﺎ
ﻭﺣﺎﺟﺎﺕ ﻧﺴﺠّﻞ ﺗﺎﺭﻳﺨﻬﺎ .. ﺭﻏﻢ ﻣﺮﻭﺭ ﺳﻨﻮﺍﺕ
ﻓﻴﻪ ﻓﻰ ﺍﻟﺤﻴﺎﻩ ﺻﻔﺤﻪ ﺑﻴﻀﻪ .. ﻧﺤﺒّﻮﺍ ﻧﻘﺮﻭﻫﺎ
ﻭﺻﻔﺤﻪ ﺃﻟﻮﺍﻧﻬﺎ ﺑﺎﻫﺘﻪ ... ﻭﻛﻠّﻬﺎ ﺷﻄﺤﺎﺕ
ﻭﺻﻔﺤﻪ ﻓﻴﻬﺎ ﺑﻨﻀﻌﻒ .. ﻭﻧﻨﺰﻟﻮﺍ ﻑ ﺩﻫﺎﻟﻴﺰ
ﻭﻧﺒﻘﻮﺍ ﺣﺎﺷﺎ ﺍﻟﺠﻤﻴﻊ... ﺃﺧﺲّ ﻡ ﺍﻟﺤﻴﻮﺍﻧﺎﺕ
ﺻﻔﺤﺎﺕ ﻧﺤﺐ ﻭﻧﺴﻬﺮ .. ﻭﻧﻜﺘﺒﻮﺍ ﺃﺷﻌﺎﺭ
ﻳﻄﻠﻊ ﻛﻼﻣﻨﺎ ﻫﺒﻞ ... ﺯﻯّ ﻛﺘﻴﺮ ﻧﺰﻭﺍﺕ
ﻭﺳﺎﻋﺎﺕ ﺑﻨﻜﺘﺐ ﺣﻜﻢ .. ﻭﻻ ﺍﻟﻠﻰ ﻣﺘﻨﺒّﻰ
ﺍﻟﺸﺎﻋﺮ ﺍﻟﻠﻰ ﺍﺗﻘﺘﻞ .. ﻭﻛﺎﻥ ﺍﻟﺴﺒﺐ ﺃﺑﻴﺎﺕ
ﻭﺳﺎﻋﺎﺕ ﺑﻨﻜﺘﺐ ﻧﺼﺎﻳﺢ.. ﻳﺎ ﺳﻼﻡ .. ﻣﺘﻘﻮﻟﺸﻰ
ﻭﺍﺣﻨﺎ ﻭﻳﺎ ﻟﻸﺳﻒ ... ﻣﺤﺘﺎﺟﻴﻦ ﻧﺼﺤﺎﺕ
ﻳﺎﻣﺎ ﻋﺮﻓﻨﺎ ﺣﺒﺎﻳﺐ .. ﻭﺩﻭﺑﻨﺎ ﻓﻰ ﻫﻮﺍﻫﻢ
ﻭﺑﻌﺪ ﻣﺪّﻩ ﻧﺴﻴﻨﺎ ... ﻭﺿﺎﻋﺖ ﺍﻟﺠﻮﺍﺑﺎﺕ
ﻭﻳﺎﻣﺎ ﺷﻮﻓﻨﺎ ﺟﻤﺎﻝ.. ﻭﺭﻭﺣﻨﺎ ﻫﺎﻣﺖ ﻓﻴﻪ
ﻭﻑ ﻭﺍﻗﻊ ﺍﻟﺪﻧﻴﺎ ﻓﻮﻗﻨﺎ .. ﻭﻭﻗﻔﺖ ﺍﻟﺨﻄﻮﺍﺕ
ﺻﻔﺤﺎﺕ ﻛﺘﻴﺮ ﻋﺎﻟﺮﻓﻮﻑ ... ﺑﺘﻀﻢّ ﺣﻠﻮ ﻭﻣﺮّ
ﻫﻰّ ﺣﻴﺎﺗﻨﺎ ﻛﺪﻩ... ﺻﻔﺤﺎﺕ ﻭﺭﺍ ﺻﻔﺤﺎﺕ