مبروك يا بلدى... بقلم الشاعر المصري رفعت فايد ـ مجلة نجوم الأدب والشعر

مبروك يا بلدى الحبيبه ... تأييد العالم
تقدير لدورك العظيم .... فى الشرق والعالم
أنا مش مبالغ أقول .... تستاهلى قدر أكبر
دا إنت أصل الحضاره... والكل كان أصغر
الدّائمين عالكراسى .... كانوا زمان ظلمات
وشمسك انتى اللى كانت... بتنوّر القارات
فمش خساره يا بلدى ... تبقى إنتى الأصل
مش عضو سنتين ... ويطلع لك قرار بالفصل !!
لو العداله سليمه.... تبقى إنتى التاج
لكنّها للأسف .... مريضه عاوزه علاج
لكن وماله .. دى خطوه.. وبعدها خطوات
والألف ميل فى البدايه... طويلة المسافات
لكن ودى احنا بدينا... والخطو متسارع
سنين قليله.. وحيبقى.. مستقبلك بارع
والماضى رح توصليه... كما بدأت يعود
منارة الشرق طول عمرك... حقب وعهود
مبروك يا بلدى.. ولسّه.. دى البدايه يا مصر
يا تاج لعقد العرب... فى الشرق تحيا مصر