ﺍﻟﺼﺒﺮ ﻳﺎ ﻫﻞ ﺍﻟﻨﻈﺮ .... ﺩﻯ ﺩﻭﻟﻪ ﻣﺶ ﺩﻛّﺎﻥ
ﻣﺮّﺕ ﻋﻠﻴﻬﺎ ﺳﻨﻴﻦ ..... ﺍﺗﻤﻠﺖ ﻓﻴﺮﺍﻥ
ﺩﺍ ﻏﻴﺮ ﺣﻨﺎﺷﻪ ﻭﻋﻘﺎﺭﺏ ... ﻭﻑ ﻛﻞ ﺭﻛﻦ ﺩﻳﺪﺍﻥ
ﻭﻛﻤﺎﻥ ﺯﻳﺎﺩﻩ ﻭﻟﻠﻰ ﻏﻄّﻰ ... ﺍﺧﻮﺍﻥ ﺍﻟﺸﻴﻄﺎﻥ
ﻭﺳﻠﻒ ﻭﺃﻓﻜﺎﺭ ﻏﺮﻳﺒﻪ ... ﻳﻜﻔّﺮﻭﺍ ﺍﻹﻧﺴﺎﻥ
ﺑﻠﺤﻴﻪ ﻭﺑﺘﻮﺏ ﻗﺼﻴّﺮ .. ﻭﺑﺎّﻳﻪ ﻡ ﺍﻟﻘﺮﺍّﻥ
ﺳﺤﺮﻭﺍ ﻋﻴﻮﻥ ﺍﻟﻐﻼﺑﻪ ... ﻭﺍﻟﺒﺲﻃﺎ ﻓﻰ ﺍﻟﺒﻠﺪﺍﻥ
ﻭﺷﻌﺒﻨﺎ ﺃﺻﻠﻪ ﻃﻴّﺐ ... ﻣﻔﻄﻮﺭ ﻋﻠﻰ ﺍﻹﻳﻤﺎﻥ
ﺍﻟﺪﻳﻦ ﻓﻰ ﻗﻠﺒﻪ ﻣﻘﺪّﺱ ... ﻣﻦ ﺯﻣﺎﻥ ﻭﺍﻻّﻥ
ﺻﺪّﻕ ﻛﻼﻣﻬﻢ .... ﻭﺭﺍﺡ ﻣﺎﺷﻰ ﻭﺭﺍ ﺍﻟﻔﺘّﺎﻥ
ﺃﺗﺎﺭﻯ ﺃﺻﻞ ﺍﻟﺤﻜﺎﻳﻪ .. ﻻ ﺩﻳﻦ ﻭﻻ ﺩﻳﺎﻭﻟﻮﺍ
ﺩﺍ ﺩﻭﻝ ﺧﺪﻡ ﻟﻠﻤﺎﺳﻮﻥ ... ﻣﺨﺮّﺏ ﺍﻷﻭﻃﺎﻥ
ﻋﺎﻭﺯﻳﻦ ﻳﺒﻴﻌﻮﺍ ﺍﻟﺒﻠﺪ .. ﺑﺄﺑﺨﺲ ﺍﻷﺛﻤﺎﻥ
ﻭﻳﻘﺴّﻤﻮﻫﺎ ﺇﻣﺎﺭﻩ ... ﻭﻣﺼﺮﻧﺎ ﺗﺘﻬﺎﻥ
ﻟﻜﻦ ﺑﻔﻀﻞ ﺍﻟﻜﺮﻳﻢ ﺭﺑﻨﺎ ﻛﺸﻔﻬﻢ
ﻭﺍﻟﺸﻌﺐ ﻓﺘّﺢ ﻋﻴﻮﻧﻪ ﻭﻓﺎﻕ ﻣﻦ ﺍﻟﺘﻮﻫﺎﻥ
ﻟﻤّﺎ ﻋﺮﻑ ﻛﺪﺑﻬﻢ .. ﻭﺍﻟﻠﻌﺐ ﺑﺎﻟﻘﺮﺍّﻥ
ﺭﻓﺾ ﻭﺟﻮﺩﻫﻢ ﻣﺎ ﺑﻴﻨﻨﺎ .. ﻭﺛﺎﺭ ﻣﻼ ﺍﻟﻤﻴﺪﺍﻥ
ﻭﻗﺎﻝ ﻟﻬﻢ ﺍﺭﺣﻠﻮﺍ ...ﻣﺎﻟﻜﻤﺶ ﺑﻴﻨﻨﺎ ﻣﻜﺎﻥ
ﻧﺰﻟﺖ ﺟﻨﻮﺩﻧﺎ ﺍﻟﺒﻮﺍﺳﻞ ﺗﺤﻤﻴﻨﺎ ﻡ ﺍﻷﺷﺮﺍﺭ
ﺟﻴﺸﻨﺎ ﺍﻟﻌﻈﻴﻢ ﺑﺎﻹﺭﺍﺩﻩ ﺃﻧﻘﺬ ﺍﻷﻭﻃﺎﻥ
ﻭﺑﺪﺃ ﻳﻨﻀّﻒ ﻭﻳﺒﻨﻰ ... ﺍﻟﻠﻰ ﺍﺗﻬﺪﻡ ﺃﺯﻣﺎﻥ
ﻓﻨﺼﺒﺮﻭﺍ ﻳﺎ ﻫﻞ ﺑﻠﺪﻯ ... ﺍﺣﻨﺎ ﺍﺑﺘﺪﻳﻨﺎ ﺻﺢ
ﺑﻨﺎﺀﻧﺎ ﻣﺤﺘﺎﺝ ﻟﻮﻗﺖ ... ﻭﻛﻞ ﺷﻰﺀ ﺑﺄﻭﺍﻥ
موضوع: ﺷﻮﻳّﺔ ﺻﺒﺮ... بقلم الشاعر المصري رفعت فايد - مجلة نجوم الأدب والشعر 
الأربعاء أكتوبر 21, 2015 5:27 am
