شدي حيلك يابلد.. بقلم الشاعر المصري راسم محمد - مجلة نجوم الأدب والشعر

شدى حيلك يابلد
==========
شدى حيلك يابلد
اليوم ميلاد حتة ولد
جيلك وحالف بالهرم
وبنسر بيضوى على العلم
لتعلى فوق كل الامم
ناصر جديد مفيش كلام
حامى لرايتك مالعدى
وداعى برضه للسلام
ولاده ياام العروبة والكرم
هنيئا لنا فارس همام
جيلك وحامل السلاح
بينادى حى على الفلاح
حالف ليطلعلك صباح
تكونى فيه راعى العروبة والعرب
هيرجع المجد القديم
ويرسم لنا اغصان زيتون
وسرب ابيض من الحمام
هيعمر الصحرا بخضره
ويمنع اى فتنه مره
وهيصرخ يعلنها ثوره
مصر عاليه
مصر غاليه
مصر بلدى ابيه حره
مصر مسلم مع مسيحى
مصر ليبرالى ويسارى
مصر علمانى وسلفى
مصر لينا حضن دافى
مصر دايما عاليه بينا
مصر ناصر ليه بطولات
مصر دى عرابى وكامل
مصر زغلول والسادات
مصر ازهر مع كنيسه
مصر احمد جنب مينا
مصر مريم وايمان ودينا
اصحو ياولاد اللذينه
اصحو ياولاد اللذينه
اصحو ياولاد اللذينه
داحنا اصل عريق متين
احنا شعب وجيش وشرطه
قالها رب العالمين
ادخلوها بسلام امنيين
فى رباط ليوم الدين

بقلم
==== الشاعر \ راسم محمد