العبارة.. بقلم الشاعر راسم محمد - مجلة نجوم الأدب والشعر

العبارة
====
العبارة انسان وعاقل
العبارة مش انى شاعر
بكل ندوة اهلل واصفق
وصدق وزيف للكل اجامل
العبارة مش انى يعنى
بدر شعرى الفت نظر
ويقولوا عنى بقلمى شاطر
بالفصحى والعامى ياعمى
واد خطير بارع وماهر
العبارة انى عندى يا عم فكر
ونبض قلبى برىء وطاهر
كلامى واضح للكل واصل
وزى الشمس للكل ظاهر
ولا عمرى بالكلمة بمشاعر
وقلوب الناس والخلق اتاجر
ولا غاوى بالكلمة هجاء
اوحتى اى نوع مشاكل
العبارة مش نقد بس
بخواطر وبشعر ساخر
العبارة انى اعالج
بكلامى انا قضايا البشر
واعلى برياتك يا مصر
واغزل كلامى ليك حصر
وملعون ابو شهرة ومظاهر
بيتباهوا بيهم بالمحافل
الشعر دا رسالة وطهر
والى ما واعى لكلامى
اعزرونى امى وجاهل
ملعون ابو اليوم الى حل
وهتفوا قالوا عنى شاعر
بقلم
=== الشاعر \ راسم محمد