سنه جديده
يا سنه جديده هله علينا هاتى الافراح معاكى
واوعى فى يوم تجرحينا وانا بوعدك مش هنساكى
ياسنه جديده قربينا ودوبى الكل فى هواكى
وفتحى ع الحب عنينا وانا هفتح بابى وشباكى
ياسنه جديده فرحينا وفرقى عدلك ع الغلابة
نورى من تانى ليالينا واديله من عطفك هبابه
ولو جرحتى صبرينا وخلى الحزن مجرد سحابه
وفى الحب فيكى دوبينا وخلى الحبيب مغرم صبابه
ياسنه جديده سمعينا فيكى اجمل الاشعار
وافتحى للخير ايدينا ومتشيليش جوانا اسرار
وجددى الامل تانى فينا عاوزين نشوف الليل نهار
وارحمى دمعه عنينا نسينا فيكى طعم المرار
ياسنه جديده علمينا دا العلم اصلا عباده
ووقفينا على رجلينا عاوزين فيكى نحصد سعاده
وقربينا من بعضينا وخلى الود فيكى عاده
وغمى عن الحرام عنينا وشربينا القهوه سكر زياده