ﺇﻳﻪ ﺍﻟﻐﻀﺐ.. بقلم الشاعر التونسي ﻣﺤﻤﺪ ﺑﻦ ﺣﻤﺎﺩﻱ ﺍﻟﻤﻄﺎﻭﻉ- مجلة نجوم الأدب والشعر

ﺇﻳﻪ ﺍﻟﻐﻀﺐ
ﻟﻴﻪ ﺍﻟﻐﻀﺐ ﻭ ﺍﻟﻐﺎﺿﺒﻪ ﺗﺠﺎﻭﺑﻨﻲ
ﺇﻳﻪ ﺍﻟﻐﻠﻂ ﻟﺼﺎﺭ ﻭ ﺗﻌﺎﺗﺒﻨﻲ
ﺗﻘﻮﻝ ﻋﻠﻐﻠﻂ ﻟﻌْﻠﻲْ ﻭ ﻧﺼﺎﺭﺣﻬﺎ
ﺑﺎﻟﻌﻬﺪ ﻧﻮﺍﻓﻴﻬﺎ ﻣﻘﺎﺻﺪﻱ ﻧﻮﺿﺤﻬﺎ
ﻧﺤﻂ ﺍﻟﻨّﻘﺎﻁ ﻋﻠﺤﺮﻭﻑ ﻭ ﻧﺼﺤﺤﻬﺎ
ﻛﻞ ﻣﺎ ﻗﻠﺖ ﻣﻦ ﻛﻼﻡ ﻓﻲ ﺻﺎﻟﺤﻬﺎ
ﻭ ﺍﻟﺸّﺎﻫﺪ ﺭﺑّﻲ ﻳﻮﻡ ﺍﻟﻘﻀﺎﺀ ﻳﺤﺎﺳﺒﻨﻲ .
ﻓﻴﻦ ﺍﻟﻐﻠﻂ ﻓﻲ ﺍﻟﻘﻮﻝ ﻟﻴﺶ ﺗﺨﺒّﻲ
ﻣﺎ ﺍﻧﻘﻮﻝ ﺍﻟﺰﻟﻞ ﻋﻠﺒﺎﻫﻴﻪ ﻣﺘﺮﺑّﻲ
ﻧﺎﻱ ﻗﺎﺻﺪ ﺍﻟﻤﻌﺮﻭﻑ ﻳﻌﻠﻢ ﺭﺑّﻲ
ﻭﺿّﺤﺖ ﻣﺎ ﻳﻌﻨﻴﻚ ﻛﺎﻥ ﺗﺤﺒّﻲ
ﻭ ﻗﻮﻟﻲ ﺇﺫﺍ ﻫﻮ ﺷﻴﻦ ﻣﺎ ﻳﻌﺠﺒﻨﻲ .
ﻛﺎﻥ ﻫﻮ ﺷﻴﻦ ﺇﻟﻐﻴﻪ ﺩﻳﺮﻱ ﻏﻴﺮﻩ
ﻣﺎ ﺗﺨﻠّﻴﺶ ﻓﻲ ﺍﻟﻘﻠﺐ ﻫﺎﺫﻱ ﺍﻟﺤﻴﺮﻩ
ﺇﺫﺍ ﺍﻧﻜﺴﺮ ﺍﻟﻌﻈﻢ ﻧﺴﺎﻭﻭ ﺟﺒﻴﺮﻩ
ﺍﻧﻐﻄّﻮ ﻣﺎ ﺣﻔﺮﻧﺎﻩ ﺑﺠﺮﺩ ﺣﺼﻴﺮﻩ
ﻭ ﺍﻟﺤﻜﻢ ﻟﻠﺘّﺎﺭﻳﺦ ﻳﺎ ﺳﺎﻣﻌﻨﻲ .
ﺍﻟﺤﻜﻢ ﻟﻠﺘّﺎﺭﻳﺦ ﻫﺎﺫﻱ ﺣﻘﻴﻘﻪ
ﺳﻜﻮﺗﻚ ﻣﺎ ﺗﺮﺩّﻳﺶ ﺃﻛﺒﺮ ﺿﻴﻘﻪ
ﻣﺎ ﻧﺪﺭﻱ ﻛﻢ ﻣﻦ ﻋﺎﻡ ﻭ ﺍﻧﺖ ﺻﺪﻳﻘﻪ
ﺧﺴﺮﻧﺎ ﻓﻲ ﻧﻬﺎﺭﻳﻦ ﻟﻌﺐ ﺍﻟﺴّﻴﻘﻪ
ﺧﺎﻃﺮﻱ ﻣﺎﻟﺼﺪ ﺑﻼ ﺭﺩ ﻫﺎﻭ ﻭﺍﺟﻌﻨﻲ